مجموعة شباب مصريين من إسكندرية اتجننوا وعملوا موقع اسمه ( بوروروم ) لبيع المنتجات على الإنترنت .. حاجة كده فيها من موقع ( سوق ) و ( جوميا ) و ( أمازون ) بس مصرى ورغم إن الطبيعى المنافسة تكون شرسة فى السوق مع الأسماء الكبيرة دى إلا إنهم قدروا بشوية معافرة يعملوا حاجة قوية .. بيبيعوا إيه ؟ .. كل حاجة: ملابس ، كتب ، أجهزة كهربائية .. اللى باعتلى على الإنبوكس بيقول إن هو وأصحابه عملوا الموقع ده بنفسهم وشغلوه برضه بنفسهم .. وهى أساسًا صياغة الفكرة إنهم وزعوا الأدوار على نفسهم .. واحد منهم صمم الموقع ، وكام واحد هما مسئولين توصيل الطلبات بنفسهم لـ المحافظات ، وواحد بيرد على التليفون ، وواحد بيغلف المنتجات قبل ما تتبعت .. بيروحوا يتفقوا مع براندات وشركات عشان ياخدوا منهم الحاجات بتاعتهم ويعرضوها عندهم على الموقع ويحطوا لنفسهم هامش ربح بسيط .. لما العميل يختار الحاجة اللى بيشتريها وليكن مثلًا بنطلون بيبعتولك نفس المقاس اللى هو اختاره مقاسين تانى واحد أكبر وواحد اصغر عشان لو المقاس ماطلعش مظبوط ! .. ولو حد حب يرجع الحاجة بعد ما يشتريها لو لقاها مش مناسبة بيرجعوها مجانًا ! .. لما سألته طب وعلى إيه وجع القلب ده كله ؟ .. قال لى هو ده اللى مخلينا مميزين وناجحين عن المواقع التانية فعلًا .. طيب هما مختلفين فى إيه عن المواقع التانية؟ .. غير إنهم مصريين وأسعار توصيلهم قليلة والشباب اللى فى خدمة العملاء بتاعتهم محترمين و يتابعوا خطوة بخطوة يمكن الميزة الرابعة إنهم شباب صغيرين وأصحاب مع بعض وعملوا الليلة دى لوحدهم وبدون ما حد يساعدهم مع إنها مالهاش علاقة بمجال دراستهم والغريب إنها طالعة شكلها فعلًا حلو ! .. هما واخدينها تحدى وبيقولوا إن عندهم ثقة إنهم هينجحوا هيكملوا .. هيقدروا ينجحوا ويكون لهم أرضية ولا لأ ؟ .. اللى متأكد منه زى ما بقول كل مرة إن البنى آدم أبو دماغ ناشفة اللى بيكون عنده أمل فى حاجة محدش شايفها غيره بينجح وغالبًا كل الحاجات اللى بقت عظيمة بعد كده بتبتدى كده بالجنان ده .. جدعان ويستاهلوا دعمكم وتشجيعكم ولما تجربوهم تنبسطوا .. عاش وربنا يوفقكم يا شباب.
من الناس اللى اتحثت عنهم فى البوست التالى
https://www.facebook.com/photo.php?f...e=3&permPage=1