[] بجد يا جماعه احنا بجد بنتعلم غلط يعني احنا بنعد نصم في الثانويه العامه علشان ندخل كليه عاليه وخلاص سواء ادبي او علمي حتي لو علمي رياضه يعني وصلت بينا اننا لو مفهمناش مساله في الرياضه بنحفظها عشان ندخل نكتبها في الامتحان يعني بنتعلم عشان الامتحانات بس وبعدين ندخل نلعب في الكليه حتي لو كانت قمه يعني حتي لو كنا جايبين مجاميع كبيره في ثانويه عامه بندخل الكليه وندبلر ونشيل مواد يعني انا مش عرفه احنا بنتعلم ليه بصراحه يعني و انا صغيره كنت نفسي ابقي مهندسه دلوقتي بلعن التعليم واليوم اللي دخلت في كليه البهدله دي انا بدرس حاجات ملهاش دعوه بالحياه العمليه كل الدراسه نظريه ومقرفه والدكاتره معقدين الدنيا ومبنفهمش حاجه والدكاتره مفكرنا عباقره بنفهمها وهي طايره احنا بنعتمد علي الكورسات يعني خرجنا من دروس الثانوي دخلنا علي الكورسات الكليه وكمان تلتربع الدفعه بيخدوا كورسات عشان النجاح بس يعني كمان مش بنجيبوا تقدير وبنشيل مواد كمان بعد ما اخدنا كورسات نفسي اعرف حنبقوا مهندسين ازاي وكل واحد مننا مش فاهم ايه اللي بيحصل وحنخرجوا من الكليه حنترموا علي ايد مقاول يعلمنا الهندسه من ورا بجد التعليم فاشل فاشل حتي السكاشن العمليه مش كفاءه وبنقف علي رجليينا ساعه ونص وبنحلم بالدقيقه اللي السكشن يخلص فيه مش بالشرح اللي بيتقال وبندخل امتحان العملي بورق الكورسات ويينجح يا مننجحش مبقتش بتفرق انا بتمني سنين الكليه تخلص لاني حسه كل ما الايام تعدي بتغابي في الكليه دي والله نسبه غبائي زادت جدا واعد في البيت لاني لو اشتغلت حسه اني حبقي فاشله فاشله انا مش عرفه العيب مننا ولا من نظام التعليم اه نسيت كمان نظام الثانوي في مصر صعب ومعقد يعني احنا يطلع عيينا في المزاكره لو جبنا 97.5% نبقوا فاشلين ومنلقوش كليه ندخلوها وغيرنا يسافر السعوديه او اي بلد عربيه ياخد ثانوي منهناك بمجاميع صغيره ويدخلوا كليات قمه من غير تعب ده كمان ظلم انا كنت مفكره ان لما ادخل الكليه حستريح اتاريني بتدي المشوار الصعب وكل ده اهلنا مش حسين مفكرنا بندلع بس دي الحقيقه والله