هنا اطرح ما يقع عليه سمعي و بصري من قصائد تصف النساء و سلوكهن في الحياة الزوجية

القصيدة الأولى

بعض النساء تجلب على بيتك الخير+++ والبعض منهن لك تجيب النكاده
والبعض منهن مثل وصف النواوير+++ ومع العقل والزين فيها الركاده
والبعض منهن يستر الحال تستير+++ لوهي تعيش العمر صبر وجلاده
والبعض منهن عقلها يوزن النير+++ ومعها على تاج الرزانه شهاده
وبعضهن احلى من حليب المغاتير+++ واحلى من الطايف ونفحة براده
وفي مجتمعها تمشي ابحسن تدبير+++ عقلٍٍ رزين وفي حلاها زياده
وبعضهن اينومسك عند المسايير+++ والبْن فالدله اتظبط اقناده
وبعض اللسنتهن مثل وصف المناشير+++ والبعض منهن طايشٍٍ في عناده
والبعض منهن فكرها بالدنانيرقشرا +++ وشوشتها سواة العراده
والبعض منهن مايكب المشاوير+++ وفيها التغطرس والغباء والبلاده
وهذي هي اللي تستحق البواكير+++ حيث انها للسوق فيها عباده
والبعض منهن عايشٍٍ دون تفكير+++ وان شفتها منته ب ويا السعاده
وان رحت عنها ولعت فوقك اسعير+++ وشنت عليك الحرب حرب الاباده
واللي ماصار اترهمه غصب ويصير+++ ومن جورها لازم تزور العياده
والبعض منهن دايم اقدامها اتسير+++ على امها والام راس القياده
وتنفذ اللي تسمعه دون تاخير+++ وترسم امخططها لفرض السياده
واليا حصل من بينكم شيٍٍ اصغير+++ تفيد منهو ماطلبها الافاده
وتوافي اهلها بكل التقارير+++ لين الرجل يعاف شربه وزاده
واليا ضربها كف ماله معاذير+++ راحت هو ياكل عشاء البيت ساده
راحت طموح وبلشوه العصافير+++ ومن همهم حارب منام الوساده
وان جاء يرجعها عيونه مطايير+++ قالوا قبل ترجع تجيب القلاده
وسبحه من الأربش وأطقم أساوير+++ ومن جورهن لا واعناه وهجاده
وان كان ماانسابك ارجالٍٍ مناعير+++ هيجن وهوبل ياحياة القراده
وارجو السموحه من جميع الغنادير+++ وهن الأصل منهن للاقطار ساده
ومصنع رياجيلٍٍ تقود الطوابير+++ والحرب تقدح للمعادي ازناده
والمعذره وان كان بالقاف تقصير+++ وماكل من يجهد نجح في اجتهاده
وللكلمه الجزله زبون وجماهير+++ وقول بلا حكمه مافيه استفاده
والله يجعل لي من الذنب تكفير+++ يوم ان راع الزرع يلقا حصاده
ويرسل على الانذال زلزال كشمير+++ حتى الفلل تصبح سواة الرماده