طلبات الرجال .. عشان لايزعلو الحريم .. ولو الرجا لزعلوا ترا في طلبات الحريم تحت ..
الالف : ابي أسافر مع الشلة تراني رجال وامري بيدي
الباء : بكرا انا عازم ربعي سويلنا عشر اطباق مالحة وخمسة حلو ولاتقصري بالخفايف
التاء : ترى اليوم انا رايح مع الربع البر زهقنة من قعدة البيوت
الجيم : جيبي فاضي لاتطلبوا شي بهالعيد
الحاء : حبيبتي مداك تنامين، سويلي كاس شاي وشوية معجنات لاحقة على النوم
الخاء : خلي الشله اليوم..انا عازمك نتعشى بره, بس على حسابك ... لان جيوبي مفضيه....
الدال : دوري لي عروسة صغيرة وماتجيب اعيال
الذال : ذيك السنة لما خطبتك ابوك اخذ علي مهر كبير وانت كنت مساندته
الراء : روحي سافري مع اهلك وخذي عيالك مالي خلق اسافر مع بزارين
الزاء : زادت طلباتك انت وعيالك (دفاتر، رز، لحم، أدوية وغيرها) دوري لكم احد غيري يصرف عليكم
السين :سلفة البنك اتحمليها انت ماعاد اسدد للبيت ولاقسط بعد اليوم ودي اشوف حالي قبل لاأكبر وانا ماتهنيت
الشين : شوفي لك حل بشكلك ماعاد رايق لي أبد ودي أغير.
الصاد : صفيتي لي كل بنات ماتجيبي الا البنات (وعنده اربعة أولاد بس علثة)
الضاد : ضبطي أوضاعك مانا بنايم مع ولدك قطيه على امك.
الطاء : طالعي وجهك فيه حبوب ياتشوفي لك حل واللا......
الظاء:الظاهر انك مغصوبة علي واهلك مزوجينك غصبن عنك (الحرمة تتوحم خاف الله)
العين:عيوني..ابوحمد وابوحسين وابوسعد وابو وابو وابو وابو وابو وغيرهم يقولون ان حريمهم يعطوهم رواتبهن ولايصرفن منها شي.
الغين غيري طريقتك مع عماتي وخواتي تراهم اعز منك عندي مائة مرة
الفاء : فديتك عمري كم بيعطينا ابوك السنة مساهمة في السفرة.
القاف : قدري ياحرمة من الساعة ست الصبح وحتى اذان الظهر وانا في الشغل وتقولي لي طالبات العيال وادوية (والحرمة مسيكينة حامل في التاسع وترجع من العمل الساعة الثانية ظهراً)
الكاف : كفاية مليت كل يوم اوصل عيالك للمدارس وأرجعهم ماتشوفي لك حل اخوك ابوك جدك أي واحد من أهلك.
اللام : ليمتى بنتم تحت رحمتك يوم حامل وتعبانة ويوم مشغولة مع طفلك مريض متى أقدر اعزم اصحابي.
الميم : متى بتاخذي ارثك من اخوك ودنا نشتري الارض اللي انت خابرة ودنا نسوي شقة لاخوي واخت مساكين.
النون : نبى نعزم ارجال الحارة كل خميس شوفي احد من اخواتك يساعدك في الطبخ انت عارفة ماأحب الخدم يخشوا بيتي.
الهاء :ها عاد..ترى اتزوج اذا .................
الواو : ودي أوفر اشوية فلوس بسافر مع اخوياي ماله داعي نتعب البزارين في سفر وغيره.
الياء : يالله شدي حيلك ودنا نجيب الولد (الحرمة نفاس في المستشفى جايبة بنت)
رد مع اقتباس
